У дзяржаўнай установе адукацыі “Сярэдняя школа №1 імя М.І. Пашкоўскага” дзейнічае ад шматпрофільнага цэнтра «Ветразь» лагер «Патрыёт» з кругласутачным знаходжаннем для дзяцей.

Выхаванцы «Патрыёта» хлопчыкі, якія цікавяцца заняткамі сапраўдных мужчын і ў будучым, магчыма папоўняць шэрагі ваенных, міліцыянераў ці выратавальнікаў.

Выхавальнікі лагера «Патрыёт» прыкладваюць шмат намаганняў, каб вольны час дзяцей праходзіў цікава и насычана. Яны ўпэунены, што заўсёды можна знайсці якую- небудзь цікавую справу, чым захапіцца. Бо колькі цікавага вакол! Галоўнае — не ленавацца, заняцца чым тое па душы, тады і жыццё стане цікавей, і не будзе ўзнікаць пытанняў аб тым, як правесці свой вольны час.

Вось і днямі выхаванцы лагера завіталі у гості да Бялынічскага аддзялення Дэпартамента аховы, дзе іх ветліва сустрэў начальнік аддзялення аховы маер міліцыі Сяргей Арахоўскі. Пасля прафілактычнай гутаркі начальнік аддзялення аховы правёў невялікую экскурсію па будынку.

Таксама для дзяцей была прадэманстравана экіпіроўка супрацоўнікаў аховы, хлопчыкі мелі магчымасць прымерыць бронекамізэлькі і шлемы, пабачыць радыёстанцыю, пабывалі ўнутры спецмашыны, якім забяспечаны супрацоўнікі аховы пры выкананні задач па ахове аб’ектаў і грамадскага парадку.

Міліцыянер-кінолаг Аляксандр Семянюк і яго службовая аўчарка Спарта арганізавалі для вучняў цэлае прадстаўленне. Вельмі цешыла ўсіх прысутных магчымасць пагладзіць Спарту і з ёй сфатаграфавацца.

Мерапрыемства, праведзенае супрацоўнікамі аддзення аховы, пакінула рабят пад уражаннем, а многія з іх ужо выказалі жаданне звязаць сваю далейшую дзейнасць з Дэпартаментам аховы.

Крыніца: раённая газета «Зара над Друццю»,  Бялыніцкае АДА